ÁFRAM

Bókin Hæg breytileg átt veitir innsýn í tillögur þverfaglegra hópa samnefnds íbúðaþróunarverkefnis og þær rannsóknir sem að baki tillögunum lágu. Bókin hefur einnig að geyma stuttar greinar þátttakenda í verkefninu, sem eru leiðarvísar til framtíðar út frá ólíkum sjónarhornum. Í bókinni er auk þess inngangur Önnu Maríu Bogadóttur, viðtal við verkefnisstjóra, Hrefnu Björgu Þorsteinsdóttur og Hólmfríði Ósmann Jónsdóttur arkitekta og grein Péturs H. Ármannsonar arkitekts um þátt félagslegra íbúða í húsagerðarsögu 20. aldar.

Markmið með útgáfu bókarinnar er að gera rannsóknir og umræðu um húsnæðis- og byggðaþróun aðgengilega og gera sem flestum kleift að fá betri innsýn í málaflokkinn. Bókin er hugsuð sem lykill fyrir alla þá sem vilja vera betur í stakk búnir til að hafa skoðun og áhrif á íbúðaþróun í framtíðinni.