ÁFRAM

Hæg breytileg átt er hugmyndavettvangur á sviði húsnæðis- og byggðaþróunar með áherslu á þverfaglega samræðu um ríkjandi viðmið, kerfi og aðferðir og þróun nýrra leiða í byggða- og íbúðaþróun.

Í febrúar 2014 var kallað eftir umsóknum frá þverfaglegum hópum til að vinna að mótun hugmynda um vistvænni, samfélagsmeðvitaðri, hagkvæmari og framsæknari íbúðarkosti í íslensku þéttbýli. Í kjölfarið voru fjórir hópar, skipaðir samtals 23 einstaklingum, valdir til þátttöku í verkefninu. Við rannsóknir og tillögugerð nutu hóparnir stuðnings og ráðgjafar verkefnisstjóra og áttu í gagnrýnu samtali innbyrðis og við fjölbreyttan hóp fagmanna. Út frá vinnu hópanna fór einnig fram samtal milli áhrifaaðila á húsnæðismála er snertir rannsóknir, framkvæmd, skipulag og regluverk. 

Hönnunarsjóður Aurora átti frumkvæði að verkefninu og fékk til liðs við sig aðila á sviði húsnæðisþróunar- og uppbyggingar, sem áttu fulltrúa í stjórn verkefnisins.

​

​