ÁFRAM

Í Jarðsetningu fer höfundur með lesendur inn í stórhýsi Iðnaðarbankans við Lækjargötu og þaðan á vit hugmynda og drauma sem búa í hinu byggða. Með hversdagslíf borgarinnar í bakgrunni fléttar höfundur frásögn af lífi og dauða byggingar saman við sögu hugmynda og sína eigin sögu. Verk á mörkum arkitektúrs og bókmennta. Í bókinni eru bæði stillur úr kvikmyndinni Jarðsetning og ljósmyndir eftir Önnu Maríu auk ljósmynda úr miðborg Reykjavíkur frá miðri 20. öld.

"Anna María er fantaflinkur penni og fer af miklu öryggi milli hugleiðinga um skipulag, arkitektúr og mannlíf í kapítalískum heimi og vel ígrundaðrar upprifjunar á lífshlaupi sínu. Ein besta bók flóðsins"

- Þorgeir Tryggvason

„Skyldulesning fyrir fagfólk en ekki síður fyrir aðra, þar sem hún lýsir á inspirerandi hátt því að vera manneskja, lífræn vera, í manngerðum heimi.“
- Hildigunnur Sverrisdóttir  

„Einstaklega frumlegt og áhugavert verk sem hnitast um hús Iðnaðarbankans í Lækjargötu með endalausum tilvísunum í hugmyndafræði, arkitektúr og persónulegar minningar.“

- Andri Snær Magnason