ÁFRAM

ÚRBANISTAN/Anna María Bogadóttir var hluti af hönnunarteymi BASALT arkitekta í gerð samkeppnistillögu um Óðinstorg. Torgið er staðsett á mótum fimm gatna í miðborg Reykjavíkur þar sem fjölmennt íbúðahverfi og verslunarmiðja miðborgarinnar mætist.

Á sjötta áratugnum fór torgið undir bílastæði og snérist samkeppnin um endurheimt torgisins sem fjölnota almenningsrými sem fléttast inn í og styrkir nærliggjandi starfsemi og umhverfi. Landhalli svæðisins er nýttur til þess að skipta torginu í þrjú mismunandi svæði, sem hvert endurspeglar ákveðna tegund almenningsrýma; markaðstorg/svið, almenningsgarður/garður og veitingatorg.

Tillagan gerir ráð fyrir að Óðinstorg geti í senn verið umgjörð um næðisstundir og fjöldaviðburði og með fjölbreyttum notkunarmöguleikum torgsins breytist ásýnd þess í takt við sólargang, árstíðir og viðburðardagatal borgarinnar.